Ndodh shpesh që njerëzit të bien pre e mashtrimeve në rrjete sociale, pasi kjo është mënyra më e lehtë për të gënjyer dhe për të përfituar nga tjetri, pa u përballur drejpërdrejt me të.
Shumë herë kemi mësuar se emrat e personazheve të njohur të showbiz-it janë keqpërdorur për arsye përfitmi nga persona të caktuar, gjë e cila i ka ndodhur edhe moderatores Nevina Shtylla.
Shtylla ka publikuar mesazhet duke thënë se nuk është e vërtetë që personi në fjalë është ajo, si edhe numri nuk është i saji.
“Bëni kujdes! Nëse ju ka kontaktuar ky numër bllokojeni, pasi nuk është i imi. Ka dalë një modë e re që kontaktohen biznese në emër të personazheve dhe u kërkohen produkte falas në këmbim të reklamës. Nuk jam unë emri i vetëm i cili është përdorur, ndaj bëni kujdes!”- shkruan moderatorja, e cila ka publikuar gjithashtu një bisedë.
/DRONI.al/
