Policia e Përmetit ka arrestuar ditën e sotme një 38-vjeçar. Mësohet se shtetasi me iniciale L.TH, kishte marrë me qira një dhomë hoteli.
Gjatë kontrollit të ushtruar në një nga dhomat e hotelit që ky shtetas e kishte marrë me qira, Policia gjeti 15 qese të vogla transparente me lëndë të dyshuar narkotike të llojit kokainë, të cilat u sekuestruan në cilësinë e provës materiale.
Sakaq, bëhet me dije se 38-vjeçari i shpërndante me qëllim tregtimi. Ndërkohë materialet procedurale i kaluan Prokurorisë së Përmetit, për veprime të mëtejshme.
/DRONI.al/
