Pas deklarates se Nënkryetares se Kuvendit, Vasilika Hysi Se ligii i reformes zgjedhore do te kaloje ne proceduren e konsultimit publik, ka reaguar ish deputeti i PD, Genc Pollo.
“Vetëm ligji Fusha/Teatri dhe ligjet PPP kalojnë me „goditje të përqëndruar!!, shkruan ai ne twitter duke konstatuar se mazhoranca nuk beri asnje diskutim publik per ligjet korruptive.
Nënkryetarja e Kuvendit, Vasilika Hysi, deklaron se kodi i dakordësuar jashtë parlamentit, do t’i nënshtrohet konsultave publike pasi të kenë përfunduar ato për kushtetutën.
“Rezulton që një pjesë e tyre mund të transferohen në kodin zgjedhor. Ka një nismë tashmë të depozituar nga një grup deputetësh për ndryshime në kodin zgjedhor. Ju e njihni shumë mirë edhe natyrën e kryetarit të kuvendit edhe korrektesën e kryetarit në zbatimin e rregullave strikte dhe kjo nismë do të ketë gjithë vëmendjen e duhur. Edhe ndryshimet në kodin zgjedhor do t’i nënshtrohen konsultave publike”, deklaroi Hysi. /DRONI.al
