Bashkëkryetari i Komisionit për Reformën Zgjedhore, Damian Gjiknuri i është përgjigjur opozitës për formulën e re të KQZ duke thënë se propozimi nuk mund të diskutohet në mbledhjen e radhës të Këshillit Politik.
Gjiknuri ka thënë se ky është një propozim jashtë marrëveshjes për Reformën Zgjedhore. Sipas tij propozimi për formulën e KQZ duhet i ri dhe të respektojë faktin që Kuvendi është sovran në zgjedhjen e KQZ.
Sa i përket kërkesës për mbledhje të Këshillit Politik në orën 17:00 Gjiknuri i ka kërkuar opozitës që të qartësojë pikat e tjera alternative që mund të zgjidhen dhe mos humbin kohë me debate të kota.
Në këtë mënyrë, Gjiknuri ka zbardhur skemën se si Rama do të emërojë të gjithë anëtarët e KQZ-së së re dhe duke kapur komplet reformën zgjedhore.
Deklarata e Damian Gjiknurit:
Te nderuar kolege
Nisur nga njoftimi juaj për mbledhje dhe nga diskutimet e djeshme për KQZ qëndrimi i PS është si me poshtë:
1. Ne lidhje me propozimin per formulën e emërimit te KQZ si dhe mekanizmat e vendimmarrjes qe propozuar u shprehem kundër dhe nuk mund te diskutohen me ne mbledhjen e radhës. E gjykojmë nje propozim jashtë marrëveshjes dhe tradites parlamentare për rolin e Kuvendit ne zgjedhjen e KQZ. Për këtë çështje do te diskutojmë pasi te na sillni paraprakisht një propozim tjetër qe respekton faktin qe Kuvendi është sovran ne zgjedhjen e organit te KQZ duke siguruar edhe konsultimet dhe dakordesimet ne lidhje me emrat qe plotësojnë kriteret dhe kane miratimin tuaj. Pra, e theksoj vetëm nëse sillni propozim te ri bazuar ne këto parime mund te vazhdoje ky diskutim.
2. Për pikat e tjera ju lutem specifikoni cilat janë ato përfshire propozimet alternative qe keni duke i derguar paraprakisht me qellim qe ti japim zgjidhje ne mbledhjen e radhës dhe mos humbim kohe me debate te kota. Pra, vetëm pas këtij qartësimi mund te konfirmoj mbledhjen e radhës ne çdo kohe.
Damian Gjiknuri
Bashkëkryetar i Reformës Zgjedhore
/DRONI.al/
