Artistja shqiptare me famë ndërkombëtare, Rita Ora, është zgjuar sot (e enjte) me një lajm të dhimbshëm, kjo pasi gjyshja e saj ka vdekur.
Telegrafi merr vesh nga burime të sigurta pranë familjes së këngëtares, se gjyshja e saj nga nëna, Fatime Bajraktari ka ndërruar jetë mëngjesin e së enjtes.
Varrimi i së ndjerës do të bëhet në orën 15:00 në fshatin Rudicë, komuna e Klinës.Duke qenë në kohë pandemie dhe në vështirësi me fluturimet, nuk dihet nëse këngëtarja me famë ndërkombëtare do të ketë mundësinë të vijë në Kosovë ta përcjell gjyshen e saj për në banesën e fundit.
Gjyshërit e Rita Orës nga ana e nënës nuk ishin të panjohur për publikun, pasi këngëtarja është mbesa e Osman Bajraktarit, që në kohën e Ish-Jugosllavisë ishte konsull në Ish-BRSS.
/DRONI.al/
