7 të arrestuarit për protestën kundër shembjes së Teatrit Kombëtar do të dalin sot para gjykatës për masën e sigurisë.
Mes të arrestuarve është edhe Drejtori Ekzekutiv i Qendrës së Lëvizjes Vetëvendosje në Shqipëri Boiken Abazi.
Lëvizja Vetëvendosje përmes një deklarate për mediat apeloi për lirimin e tij.
“Shpresojmë që Gjykata të jetë sy hapur. Besojmë që do t’i lirojmë. Do jemi këtu deri në momentin që do të merret vendimi dhe do na ndiqni”, tha një përfaqësuese e Lëvizjes VV.
Pas protestës së 17 majit, ku policia shembi godinën e Teatrit Kombëtar, u arrestuan shtetasit Boiken Abazi, Kastriot Qemaj, Sokol Ndoj, Romeo Lila, Endrit Mertiri, Burim Tafilica, Edjon Xhoxhaj, për kundërshtim të policëve dhe grumbullim të paligjshëm.
/DRONI.al/
