Ndërsa ekonomia greke është më shumë se 20% e varur nga turizmi, Kryeministri Grek Kyriakos Mitsotakis ka pritshmëri të mëdha për të hapur sezonin e verës duke filluar nga 1 korriku 2020.
Por hapja e kufijve nuk është ende ne plan, sipas kryeministrit Mitsotakis, i cili i tha CNN:
“Ne nuk jemi më të varur [nga turizmi i huaj] sesa, le të themi, Portugalia apo edhe, në një farë mase, Spanja. Të gjitha vendet jugore [evropiane] varen shumë nga turizmi. ”
Kryeministri Grek vazhdoi të përshkruaj kushtet e mundshme që do t’i lejojnë të huajt të hyjnë në vend: testimet paraprake për COVID-19, protokollet shëndetësore evropiane dhe monitorimi. Dhe ai theksoi se përvoja greke e pushimeve do të jetë rrënjësisht e ndryshme nga vitet e kaluara, duke pasur parasysh rregullat e distancimit shoqëror dhe vetëm “me kusht që Epidemia globale të jetë në rrugën e poshtë”.
“Skenari më i mirë është se Greqia është e hapur për biznesin, dhe ne po punojmë drejt kësaj,” i tha Mitsotakis CNN. “Por, sigurisht, kjo përfshin linjat ajrore, sepse shumica e njerëzve fluturojnë në Greqi, dhe do te kete protokolle shumë të rreptë, por edhe të zbatueshëm.”
Kryeministri Mitsotakis beson se goditja në sektorin turistik në Greqi do të jetë shumë më e keqe nëse sezoni i verës nuk hapet fare.
/DRONI.al/
