Testet e maturës shtetërore nuk do të përmbajnë pyetje mbi tema të zhvilluara pas muajit mars, që nga mbyllja e shkollave për shkak të pandemisë së koronavirusit.
Drejtoresha e Qendrës së Shërbimeve Arsimore Rezana Vrapi ka dhënë detaje lidhur me këtë proces të përmbylljes së vitit shkollor për maturantët.
Ajo thotë se Agjencia e Sigurimit të Cilësisë së Arsimit Parauniversitar ka publikuar para pak ditësh testet e rishikuara ku janë hequr temat që janë zhvilluar online.
Ndër të tjera, Drejtoresha e QSHA shprehet gjithashtu se “kujdesi i çdo specialisti hartues-testi në QSHA është që të bazohet në programin e rishikuar. Prandaj, gjithçka që po bëjnë maturantët në këtë fazë është që të përsërisin pikërisht temat, të cilat janë publikuar në programet e rishikuara”.
Linku për programet e reja orientuese për testet e Maturës Shtetërore: Programi
/DRONI.al/
