Policia sot njoftoi arrestimin e nje shtetasi te rrezikshem i cili ishte pjese e nje organizate terroriste. Një shtetas nga Taxhikistani i shpallur në kërkim ndërkombëtar nga Gjermania u arrestua nga Drejtoria e Antiterrorit, në bashkëpunim me Interpol Tirana.
Sipas hetimeve 24 vjeçari Komron Zukhurov dyshohet se ishte pjese e një celule terroriste e i cila ishte themeluar edhe në Gjermani për të bërë xhihad në emër të shtetit islamik (ISIS).
Burimet bëjnë të ditur i riu ka hyrë në Shqipëri nga Rinasi rreth 2-3 muaj më parë dhe ka jetuar në Tiranë ne nje shtepi me qera afer qendres. Ai është kapur në zonën e bulevardit.
“24 vjeçari me inicialet K. Z nga Taxhikistani ishte person i shpallur në kërkim ndërkombëtar nga Interpol Ëiesbaden, Gjermani, pasi në ngarkim të tij, Gjykata Federale në Karlsruhe, Gjermani, më datë 21.04.2020 ka lëshuar urdhrin e arrestit ndërkombëtar, për veprën penale “Pjesëmarrje në një organizatë të huaj terroriste”, i dyshuar si anëtar dhe pjesëmarrës i kësaj organizate të huaj terroriste, e themeluar si celulë terroriste në Gjermani për të bërë xhihad në emër të shtetit islamik (ISIS)” informoi sot policia e shtetit.
/DRONI.al/
