Një plagosje me armë zjarri është shënuar në rrugën “Arkitekt Sinani” në Tiranë. Drejtori i policisë së Tiranës, Rebani Jaupi tregon se çfarë ka ndodhur mesditën e sotme tek “Xhamlliku”.
Bëhet fjalë për plagosjen e një personi të rrezikshëm i cili i kishte drejtuar armën policit dhe më pas kishte tentuar të largohej me vrap dhe një qytetare e cila është gjendur rastësisht aty.
Sipas tij personi i plagosur eshte person me rrezikshmëri te larte shoqërore por se emri i tij do publikohet më vonë.
“Polici ka ndaluar personin dhe i ka kërkuar mjet identifikimi. I ka kërkuar se çfarë keni në çantë. Qytetari është larguar me vrap.. Punonjësi i policisë e ka ndjekur nga prapa dhe në kthesën e parë i ka drejtuar armën. Punonjësi i policisë e ka paralajmëruar të ulë armën dhe ka qëlluar një herë në ajër. Qytetari ka lëvizur me vrap dhe në kohën që polici e paralajmëroi që të ulë armën e të dorëzohet ai i ka drejtuar armën dhe i ka thënë do të të qëlloj nëse nuk largohesh.
Policia ka qëlluar në drejtim të tij, dhe e ka plagosur. Aktualisht ndodhet në spital, dhe mendohet se është plagosur në këmbë, por akoma nuk kemi të dhëna të sakta. Rastësisht ka qenë një qytetare e cila është plagosur nga plumbi i policit”.
/DRONI.al/
