Qeveria e Kosovës mori sot një vendim për heqjen e pjesshme të taskës 100% ndaj Serbisë, duke suspenduar atë vetëm për lëndët e para.
Votimi i qeverisë u bë në mënyrë elektronike pasi mbledhja ishte online ndërkohë që ministrat e LDK nuk kanë marrë pjesë në votim ndërsa të komunitetit serb kanë abstenuar.
Qeveria Kurti ka hequr tarifën për lëndën e parë ndaj mallrave të Serbisë, duke shfrytëzuar votën e Xhelal Sveçlës.
Në një nga pika te vendimit të Qeverisë thuhet se deri me 1 prill 2020, Qeveria do të nxjerrë vendim për të shfuqizuar vendimet e 21 nëntorit 2018, dhe për të vendosur masa të reciprocitetit të plotë në marrëdhëniet me Serbinë dhe Bosnjë-Hercegovinën në të gjitha çështjet.
LDK ka kërkuar heqjen e plotë ndërkohë që vijon presioni i administratës amerikane për heqjen e kësja takse në mënyrë të plotë.
Qeveria e Kosovës aktualisht është në krizë të plotë për shkak të shkarkimit të ngutur të ministrit të Brendshëm që i përket LDK-së nga ana e Kryeministrit Kurti.
