Një sherr mes tre personave ka ndodhur në Korçë, ku raportohet se ka pasur edhe të shtëna me armë zjarri.
Policia ka zbardhur ngjarjen e ndodhur në lagjen 8 të qytetit, ku janë përfshirë dy vëllezër dhe një tjetër person, ndërsa për fat të mirë nuk raportohet për persona të lënduar.
Policia thotë se “rreth orës 13:10, në lagjen nr. 8, Korçë, gjatë një konflikti për motive të dobëta ndërmjet dy vëllezërve V.X e K.X me shtetasin E.B, banues në Korçë, dyshohet se njëri prej vëllezërve ka qëlluar në ajër me armë zjarri pistolete. Dy vëllezërit kanë hedhur në tokë armën e zjarrit dhe janë larguar me shpejtësi nga vendi i ngjarjes”.
Forca të shumta policie janë vënë në ndjekje të dy autorëve të dyshuar të ngjarjes dhe po punojnë për kapjen e tyre.
Ndërsa shtetasi E.B, është shoqëruar në ambientet e Komisariatit për sqarimin e rrethanave të ngjarjes.Grupi hetimor po punon për zbardhjen e plotë të rrethanave të ngjarjes.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
