Kane hyre ne diten e 3 te greves se urisë 14 punonjësit e nënstacionit elektrik dhe të pompimit në Poçem në Mallakastër.
Ata kërkojnë të marrin pagat e prapambetura prej 27 muajsh dhe rinisjen e punës.
Mëngjesin e sotëm njëri prej grevistëve ka pasur luhatje tensioni dhe është njoftuar urgjenca, por akoma nuk ka mbërritur. Pranë tyre qendron edhe një infermiere e cila po mban situatën e tyre shëndetësore nën kontroll.
Punonjësit e nënstacionit elektrik dhe atij të pompimit në Poçem, kanë qenë nën varësi të uzinës së naftës në Ballsh, por nuk janë paguar prej gati 2 vitesh.
Në total janë rreth 850 punonjës të uzinës që janë në protesta për pagat e prapambetura dhe rinisjen e punës në rafineri, ndersa denojne dhe mungesen e shtetit pas shume protestave te tyre.
/DRONI.al/
