Zbardhet ngjarja e ndodhur mesditen e djeshme ne Shkoder, Policia ka identifikuar dhe shpallur në kërkim autorët e dyshuar.
Gjithashtu mesohet se eshte gjendur nga polumbarët, në lumin Buna, arma me të cilën autorët qëlluan në ajër. Sipas bluve, kanë qenë dy persona të cilët ishin në një makinë dhe janë zënë me një 32 vjeçar.
Njëri nga autorët e ka goditur me sende të forta në kokë të lënduarin, ndërsa tjetri ka qëlluar në ajër dhe më pas janë larguar duke e hedhur në lumin Buna armën me të cilën qëlluan.
“Nga strukturat DVP Shkodër, në bashkëpunim me Prokurorinë e Rrethit Gjyqësor Shkodër, falë reagimit në kohë dhe si rezultat i veprimeve të shpejta hetimore në lidhje me ngjarjen e ndodhur dje, me datë 12.02.2020, u bë identifikimi dhe shpallja në kërkim e autorëve të dyshuar, shtetasve G. U., 26 vjeç, banues në Shkodër dhe H. M., 24 vjeç, banues në Shkodër.
Këta shtetas, dje, më datë 12.02.2020, rreth orës 13:50, në vendin e quajtur “Parrucë”, lagjja “Qemal Stafa”, Shkodër, duke udhëtuar me mjetin tip “Benz”, janë konfliktuar për motive të dobëta me shtetasin T. A., 32 vjeç, banues në Shkodër, të cilin shtetasi H. M. e ka goditur me sende të forta në pjesën e kokës duke i shkaktuar dëmtime të lehta, ndërsa shtetasi G. U. ka qëlluar me armë zjarri në ajër dhe më pas janë larguar.
Materialet iu referuan Prokurorisë së Rrethit Gjyqësor Shkodër, për veprat penale “Armëmbajtja pa leje”, “Prishja e rendit dhe e qetësisë publike” dhe “Plagosja e lehtë me dashje”,-sqaron policia.
https://www.facebook.com/1502420603377639/videos/205654220578671/
/DRONI.al/
