Partia Demokratike ka organizuar sot një marshim për ndërgjegjësimin në luftën kundër kancerit. Në Ditën Botërore Kundër Tumoreve, PD i bashkohet nismës së Unionit Ndërkombëtar për Kontrollin e Kancerit, e mbështetur nga Organizata Botërore e Shëndetësisë.
Marshimi nisi në orën 10.00 tek Piramida dhe përfundon tek Ministria e Shëndetësisë dhe Mbrojtjes Sociale në Rrugën e Kavajës.
Me sloganin “E duam jetën, e duam veten”, përmes këtij marshimi, PD ka si qëllim të ngrejë zërin për të shpëtuar mijëra jetë njerëzish, duke i vetëdijësuar dhe edukuar ata që të bëjnë kontrollet e duhura, si dhe duke i kërkuar qeverisë të bëjë investimet e duhura për parandalimin dhe zbulimin e hershëm të kësaj sëmundjeje.
Pas sëmundjeve karduivaskukare, kanceri është sëmundja e dytë që shkakton më shumë vdekje në Shqipëri. Janë mbi 7 mijë raste të reja në vit me një ritëm dramatik rritjeje prej 12% në vit, ndërsa 50% e pacienteve u drejtohen spitaleve ne stade te avancuara të sëmundjes.
Albana Vokshi theksoi se banorët e Tiranës janë më të rrezikuarit, pasi jetojnë në kryeqytetinmë të ndotur të Europës dhe u bëri thirrje qytetarëve të tregojnë kujdes për shëndetin.
https://www.facebook.com/partiademokratike/videos/189476578918790/
/DRONI.al/
