Policia pas disa oresh nxjerr një emër tashmë për autorin e dyshuar të vrasjes së 28-vjeçarit Vilson Tafçiu mbrëmjen e djeshme në zonën e Astirit në Tiranë.
Burimet thanë se autori i dyshuar është një person i njohur në rrethin shoqëror të viktimës. Për këtë arsye, policia ka sekuestruar aparatin celular të Tafçiut për të zbardhur më shumë detaje nga komunikimet e fundit që ai ka pasur.
Mësohet se autori i dyshuar që është shpallur në kërkim ka inicialet N.D. Gjithashtu mësohet se blutë kanë ushtruar kontroll në banesën e të dyshuarit por nuk e kanë gjetur.
Nga informacionet paraprake 28 vjeçari ka qenë i shoqëruar nga dy femra në lokal. Ai është thirrur nga njerëz ende të paidentifikuar në pjesën anësore të lokalit në një rrugicë ku është qëlluar për vdekje. Viktima ka marrë 3 plumba në gjoks.
/DRONI.al/
