Pesë persona do të ekzekutohen, tre të tjerë do të burgosen për 24 vjet dhe tre u shpëtuan akuzave sipas një deklarate të lexuar në zyrën e prokurorit publik në Riad të hënën. Sipas Washington Post, në total, 11 njerëz shkuan në gjyq për vrasjen e gazetarit që ndodhi në konsullatën e mbretërisë në Stamboll vitin e kaluar.
Saud al-Qahtani, i larguar nga roli i tij si këshilltar i lartë i Princit Mohamed pas vrasjes, u mor në pyetje por nuk u gjet asnjë provë kundër tij, sipas zëvendësprokurorit të përgjithshëm.
Ahmed Alassiri, një zyrtar i lartë i inteligjencës gjithashtu i larguar nga pozita e tij, nuk u shpall fajtor nga gjykata.
Khashoggi ishte një ndër kritikët e fortë të qeverisë së Arabisë Saudite dhe u vra në mënyrë të tmerrshme brenda Konsullatës së Mbretërisë Arabe, në qytetin turk të Stambollit, nga një ekip agjentësh sauditë, të cilët më pas i copëtuan trupin, duke ia futur në valixhe.
/DRONI.al/
