Ashtu si Prokuroria njoftoi për arrestimin e disa personave lidhur me tërmetin e 26-Nëntorit, sot jane leshuar urdher-arrester e para ndaj pergjegjesve per pasojat.
Mësohet se deri më tani janë lëshuar disa urdhra arreste, ndërsa ka dhe të shoqëruar, që lidhen me hetimet për vënien para drejtësisë të përgjegjësve sa i takon sigurisë së godinave.
Po ashtu bëhet e ditur se mes të arrestuarve është dhe drejtori Ahmet Doda i Kavalishensës si dhe një zyrtar i lartë i shtëpisë së pushimit të oficerëve në Durrës.
Prokuroria e Durrësit ka nisur, që më datë 29 nëntor, çështjen penale që i referohet tërmetit të 26 nëntorit, ku pas shembjes së disa ndërtesa humbën jetën 25 persona. Çështja në fjalë është regjistruar për veprat penale, “Ndërtim pa leje” dhe “Shpërdorim detyre”, parashikuar nga nenet 199/a, 3 dhe 248 të Kodit Penal.
/DRONI.al/
