Kryeministri Edi Rama e mohoi kategorikisht mengjesin e sotëm, faktin se ai dhe qeveria e tij ka detyruar punonjësit të japin rrogen e tyre ne ndihme te te prekureve nga tërmeti.
Rama e quajti një tjeter fake news dhe shtoi vetëm se nuk do te kete shperblime për administratën.
Por, ish-deputetja Albana Vokshi dhe Partia Demokratike insistojne tek kjo pjesë, duke provuar qe kryeministri ka dhene urdher per policinë të dhurojnë pjeserisht rrogën e tyre.
Vokshi siguron dokumentin dhe shkruan se kryeministri po keqpërdor vendosjen antikushtetuese te gjendjes se jashtezakonshme.
“Sa më e madhe fatkeqësia, aq më intensive dhe e pamëshirshme makineria e propagandës së Edi Ramës që përmes mashtrimit nuk kursen askënd as fëmijë, as persona me aftësi ndryshe, as gra e të moshuar, as policë apo profesionistë.
Sot, Kryeministri Rama mashtroi përsëri kur tha që nuk i kanë detyruar punonjësit të japin lekë nga rroga e tyre. Po postoj eshe një herë Urdhërin e paligjshëm 1933, dr 27.11.2019 që urdhëron mbajtjen e pjesshme të pagave të policëve në Shkodër.
Duke keqpërdorur qëllimshëm vendosjen antikushtetuese të gjendjes së jashtëzakonshme, interesi kryesor i Kryeministrit këto ditë është të hapë sheshe ndertimi. Ndaj edhe s’u jep qytetarëve akt ekspertimin per shtëpitë e pallatet”,-shkruan Vokshi.
//DRONI.al/
