Thumana ishte ajo e cila u godit më shumë nga tërmetet, ku nga kjo zonë u shënuan plot 24 viktima. Ajo që ekspertët evidentuan pas tërmetit, ishte se këto ndërtesa ishin të dobëta, te ndertuara vite me parë dhe ne një dëshmi të fundit te nje ish-te denuari politik, u zbulua se pallatet ishin ndërtuar me shumë pak material ndërtimi, çka solli dhe shembjen e tyre.
Sekretari i pergjithshëm i PD, Gazment Bardhi e ka perqendruar vemendjen tek pallatet në Thumanë, duke i drejtuar disa pyetje kryeministrit Edi Rama lidhur me kete çështje.
“Pallatet në Thumanë, ku humbën jetën 24 qytetarë, u dëmtuan rëndë që në 21 Shtator. Banorët tregojnë se për gati 1 muaj kanë jetuar në çadra, për shkak se banesat e tyre dukeshin të pasigurta.
Është fakt se Qeveria nuk mori asnjë masë konkrete pas tërmetit të 21 Shtatorit për t’u ardhur në ndihmë njerëzve me banesa të dëmtuara, ku 24 banorë humbën jetën më 26 Nëntor.Sot, është dita të zbardhen dhe te sqarohen një herë e mirë para gjithë shqiptarëve këto 5 pikepyetje:
1. A u verifikuan pallatet në Thumanë pas tërmetit të 21 Shtatorit?
2. Kush janë ekspertët që u angazhuan dhe çfarë vlerësimi bënë ata?
3. A u lajmëruan banorët për gjetjet e ekspertimit?
4. Nëse godinat ishin vlerësuar si të rrezikshme, çfarë masash u morën për strehimin e banorëve?
5. Kush lejoi futjen e banorëve në pallatet e shembura në 26 Nëntor?
Qeveria ka detyrimin të sqarojë pa vonesë opinionin publik, ndërsa prokuroria ka përgjegjësinë ligjore të hetojë për të nxjerrë përgjegjësit për humbjen e jetëve të 24 qytetarëve në dy pallatet e dëmtuara në Thumanë”,-shprehet Bardhi.
//DRONI.al/
