Presidenti Ilir Meta ka reaguar pas dhunës dhe përplasjeve të forta tek Astiri qe prej oreve te para të mëngjesit, ku IKMT po vazhdon me shembjen e banesave të planifikuara.
Meta apelon për dialog, ndërsa dënon sjelljen e policisë ndaj protestuesve që po mbrojnë shtëpitë e tyre.
“E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre. Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme. Banorët të ruajnë qetësinë dhe të mos bien pre e provokimeve dhe palët të ulen menjëherë në dialog. U uroj shërim të shpejtë të gjithë të plagosurve”,-shkruan Meta.
//DRONI.al/
