Një aksident i rende ka ndodhur në mesditë në aksin Lezhë – Shkodër, në afërsi të Balldrenit.
Mësohet se është përplasur një automjet me një motor dhe nga aksidenti ka mbetur i vdekur një person. Raportohet për një person të vdekur, i cili eshte drejtuesi i motorit, 61-vjeçari Zef Stenaj.
Sic shihet nga pamjet është automjeti tip “Ford” që ka përplasur motorrin. Policia ndodhet në vendngjarje dhe po punon për sqarimin e rrethanave të këtij aksidenti të rëndë.
Njoftimi i policisë:
Në aksin rrugor Lezhë-Shkodër, tek vendi i quajtur “Kryqëzimi i Balldrenit”, mjeti me drejtues shtetasin M.Sh., është përplasur me motoçikletën me drejtues shtetasin Z.S., 61 vjeç,banues në Torovicë, Lezhë, i cili për pasojë ka humbur jetën.
Drejtuesi i mjetit M.Sh.,është shoqeruar në ambjentet e Komisariatit të Policisë Lezhë për veprime të mëtejshme. Grupi hetimor vazhdon veprimet në vendngjarje për sqarimin e rrethanave të aksidentit.
//DRONI.al/
