Gazetari Prend Shota ka zbuluar detaje të reja lidhur me hetimet për grabitjen e kasafortës së Postës në Krujë. Për ngjarjen është vënë në pranga roja i postës, Besnik Parruca, i cili akuzohet për veprat penale ‘Moskallëzim krimi’ dhe ‘Shpërdorim detyre’.
Burimet thanë se shuma e vjedhur në kasafortë dyshohet të jetë rreth 11 mln lekë, fond i cili iu perkiste pagesave të pensionistëve në Krujë.
Po sipas të njëjtave burime, grabitësit kanë patur informacion të saktë mbi lëvizjet në postë, e cila gjatë ditës ka qenë në punë duke shpërndarë pensionet.
Ngjarja u shënua orët e para të mëngjesit, në të gdhirë të së hënës, ndërsa mësohet se i gjithë qyteti ishte pa energji elektrike.
Kujtojmë se drejtor i postës në Krujë është Xhelal Rraja, vëllai i deputetit të PS-së Rrahman Rraja.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
