Prej disa kohësh emri i kryebashkiakut të Bulqizës vijon te jete ne qender të vëmendjes, kjo per shkak të ngjarjeve që familjarët e tij përfshihen.
Djali i kryebashkiakut të Bulqizës Lefter Alla, është arrestuar 3 ditë më parë nga Policia e Tiranës. Gazeta Mapo shkruan se Enio Alla u vendos në pranga, pasi iu gjet një sasi droge me vete.
Ngjarja është mbajtur e fshehtë dhe asnjë njoftim nuk është bërë nga policia për ngjarjen.
Sipas Gazetës, Enio Alla ishte duke lëvizur në Tiranë, kur nga një kontroll rutinë i policisë, iu gjetën doza hashashi me vete. Djali i kryebashkiakut të Bulqizës e ka kundërshtuar ndalimin, por më pas u shoqërua nga policia.
Në muajin shtator vëllait të kryebashkiakut të Bulqizës iu bë atentat në një lokal. Vangjel Alla u plagos nga një plumb pistolete dhe dyshohet se shkak kanë qenë përplasjet mes grupeve kriminale në Bulqizë.
