Sekuestrohen 200 m3 lëndë drusore e prerë në mënyrë të paligjshme dhe 8 kamionë që transportonin lëndën drusore.
Policia në Shkodër ka proceduar penalisht 4 shtetas, si dhe janë proceduar për shpërdorim të detyrës edhe 5 punonjës të ISHMPUT-së të Bashkisë Shkodër e Malësisë së Madhe.
Procedimet ndodhën pas një operacioni për parandalimin e prerjes së paligjshme të pyjeve, në kuadër të planit të masave, i cili ka nisur që prej fillimit të muajit shtator 2019.
Si rezultat i operacionit janë identifikuar presona që kryenin prerje të pyejeve dhe transportonin lëndë drusore.
Gjatë operacionit janë kapur edhe 8 automjeteve të ngarkuara me lëndë drusore në fshatin Domen, Njësia Administrative Postrribë, Bashkia Shkodër, e cila është siguruar në mënyrë të paligjshme.
“Ndaj drejtuesve të kamionëve, ISHMPUT-ja mori masa sipas ligjit duke i ndëshkuar me masa administrative gjoba që variojnë nga 500 000 deri në 1 000 000 lekë për secilin person. Si dhe u sekuestruan 200 m3 dru zjarri të llojit AH”-informon policia.
Policia shprehet se operacioni do të vijojë edhe në ditët në vazhdim.
https://www.facebook.com/1502420603377639/videos/399690370703389/?t=8
K.B/DRONI.al
