Aksidenti tragjik i mori jetën një shqiptari 65-vjeçar në Itali, i cili ishte duke u kthyer nga dasma e vajzës të tij.
Identiteti i 65-vjeçarit shqiptar nuk është bërë publik.
Ai ndodhej në makinë me gruan dhe vajzën tjetër, ku mjeti me të cilin po udhëtonte u përplas me një veturë tjetër, duke lënë të plagosur drejtuesen e saj, ndërsa plagë mori edhe vajza e e tij.
Aksidenti i rëndë ndodhi në komunën Gioia Tauro në Kalabria.
Sipas informacioneve, për shkak të goditjes së fortë, një prej makinave doli nga rruga, ndërsa tjetra u bllokua në mes të saj.
Shkaqet e aksidentit mbeten të paqarta, ndërsa autoritetet kanë nisur punën për të zbuluar rrethanat e plota të ngjarjes.
