Ish-ministri Ylli Manjani kërkon nga politika shqiptare që të mësojnë prej shembullit që Kosova na dha me mbajtjen e zgjedhjeve parlamentare.
Në reagimin e tij, Manjani shkruan se Kosova na dha leksion demokracie, ku çdogjë e zgjidh me zgjedhje dhe pa zhurmë e shamata. Për Manjanin, Republika e Shqipërisë është turp e faqja e zezë.
Ja çfarë shkruan Manjani:
Çfarë zgjedhjesh!
Çfarë demokracie!
Votim, numërim dhe rezultat brenda dit-natës.
As zhurmë, as shamata.
Kosova zgjedh demokratikisht në një sistem proporcional dhe me lista të hapura.
Kosova zgjidh krizën politike me zgjedhje, si çdo komb e edukuar demokratikisht.
Kosova, shtet i ri me kufizime absurde deri tek lëvizja e lirë është shembull demokracie!
Republika e Shqipërisë është turp e faqja e zezë!
Politika të mos hajë më shumë m… (ose të hanë po tu hahet), por të mësojë nga Kosova!
