Një atentat ndodhi në Kurbin, por fatmirësisht përfundoi pa pasoja të rënda dhe viktima. Ngjarja ndodhi mëngjesin e së premtes, ndërsa u bë sot publik nga policia.
Sipas bluve në Kurbin, shënjestra ka qenë shtetasi Kreshnik Pistja, 27 vjeç. Vetë i riu ka njoftuar policinë se teksa lëvizte me mjet është qëlluar me armë nga persona ende të paidenfikuar.
Sipas informacioneve, i riu nuk është person me precedent penale, ndërsa ai deklaroi se nuk ka konflikte me askënd. Po ashtu ai tha se nuk kishte dyshime se kush mund të fshihet pas atentatit.
Aktualisht policia po heton në lidhje me ngjarjen në fjalë.
