Gazetari Ferdinand Dervishi ka treguar detaje rrëqethëse nga atentati i sotëm në Lushnje, ku humbi jetën Besmir Hida.
I ftuar në emisionin “Repolitix”, Dervishi u shpreh se nga biseda me një oficer policie, Hida ishte vrarë nga afër.
“Truri i tij është stampuar në murin e pallatit. E kanë qëlluar nga afër. Kanë gjetur copa truri në pallatin 20 metra larg,“-tha Dervishi.
Hida u ekzekutua teksa po pinte kafe i vetëm me breshëri kallashnikovi nga dy persona të maskuar dhe mbeti i vdekur në vend si pasojë e plagëve. Menjëherë pas krimit të rëndë, dy autorët u larguan nga vendngjarja me një automjet, i cili u gjet i djegur pak minuta pas vrasjes.
