Presidenti Ilir Meta, i ftuar në emisionin “Çim Peka Live”, tha sonte se mund te jape doreheqjen pas raportit te Venecias. Ne vijim Meta u ndal tek deklarata e tij se politikanët duhet të bëjnë testin e drogës dhe të shëndetit mendor, tha se është i gatshëm ta bëjë ai i pari.
“Nese Venecia thotë që Ilir Meta ka shkelur Kushtetutën, patjetër që do ta jap dorëheqjen. Unë kam dhënë dorëheqjen kur kam qenë kryeministër për një gjë që nuk kishte lidhje fare me mua.
Të thotë Komisioni i Venecias që Presidenti ka shkelur Kushtetutën dhe unë të rri president? Kurrë në botë. Por kjo është qesharake, se thonë “ka çdekretuar”. Unë kam bërë një punë normale, kam çdekretuar dekretin që kam nxjerrë vetë. Ky është një dekret ekskluziv i Presidentit.
Unë e ndjej veten se jam në mision. Siç e kanë shkelur 100 herë ata kushtetutën, unë jam i bindur se e kam respektuar Kushtetutën.”, ishte deklarata e Metes.
Sipas Metës nuk është normale që vendi të jetë në një situatë të tillë pas 30 vitesh, ndërsa shtoi se duhet të përfshihet në legjislacion që kryeministri, presidenti, politikanë e zyrtarë, të bëjnë testin e drogë e të shëndetit mendor.
Për testin e drogës, Shqipëria ishte në një situatë të çmendur. Antagonizmi çfarë tregon? Normale nuk është të vijë vendi këtu ku është pas 30 vitesh.
I kemi kaluar njëherë këto. Kjo situatë që vjen kaq e orkestruar nga lart, nga jashtë, duhet të ketë ca probleme të anormalitetit. E bëj unë testin i pari.
Por ama ta bëjnë të gjithë. Por këtu duket që ka probleme.
Të gjithë këta që zgjidhen duke filluar nga Presidenti, Kryeministri, deputetë, zyrtarë, në të ardhmen duhet të përshihet në legjislacion që të bëjnë testin e drogës dhe të shëndetit mendor”, tha Meta.
