Kryetari i PD, Lulzim Basha vizitoi 4 të plagosurit në repartin e djegies në QSUT. Basha hodhi dyshime mbi privatizimin e kompanisë ARMO, duke e quajtur atë klientelist.
“Dje ndodhesha në Mallakastër disa orë para shpërthimit, siguria në punë ishte tema e diskutimit. I siguroj se PD dhe unë do ta ndjekim këtë çështje deri në fund. Kemi ngritur dyshimet tona për mënyrën jo transparente të këtij privatizimi klienteles të Armos, ku shkojnë këto përfitime?! Kemi dyshimet tona sa i përket shfrytëzimit pa kriter të krahut të punës”, shtoi Basha sot për mediat.
