Kryeministri Edi Rama ka vijuar sot me prezantimin e reformave që kërkon të përmbushë së fundmi. Në rrjetet sociale ai publikoi një video me të cilën sqaron se është nisur puna për monitorimin e vijës bregdetare në mënyrë dixhitale.
Kryeministri thotë se pasqyrimi dixhital i bregdetit shqiptar do të shërbejë, për parandalimin e abuzimeve dhe për t’iu shërbyer në mënyrë më efikase qytetarëve.
Reagimi i plotë:
KA NiSUR PUNA… për Vijën Bregdetare 2020
12 mijë e 132 fotografitë e para, të cilat mbulojnë 180km bregdet me plazhe dhe mbi 30 mijë të tjera, që do t’u bashkangjiten në javët në vijim, përbëjnë pasqyrën digjitale të reformës së nisur për kontrollin, mbrojtjen dhe zhvillimin e Vijës sonë Bregdetare🌊
Kjo pasqyrë digjitale, e cila do të përditësohet vijimësisht, do të prodhojë të gjitha të dhënat e nevojshme për pronësinë publike a private, ndërtimet abuzive, aktivitetet hoteliere dhe njësitë e shërbimit (bashkë me statusin e tyre juridik e tatimor), hotspotet mjedisore, monumentet e kulturës e zonat e mbrojtura😁
Të gjitha institucionet dhe strukturat të shtetit, të cilat do të përfshihen në zbatimin e Ligjit të ri për Vijën Bregdetare, do ta përdorin këtë pasqyrë për planifikime, verifikime dhe operacione në terren, në funksion të qëllimit për t’u ofruar qytetarëve një Shqipëri turistike shumë më cilësore; me plazhe të lira, shërbime publike të aksesueshme dhe shërbime tregtare të formalizuara, mjedis të mbrojtur e zhvillim të qëndrueshëm të infrastrukturës së mikpritjes⛱
#ShqipëriaqëDuam☀
https://www.facebook.com/edirama.al/videos/373338403331584/?t=0
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
