Deputetja demokrate, Rudina Hajdari, ka vendosur që këtë herë të bëhet avokatja mbrojtëse e ministres Gjonaj, pas akuzave të fundit ndaj saj se ka paguar faturat e hotelit për pushime 700 euro nata.
Lidhur me këtë, deputetja Hajdari shkruan në “Twitter” se nuk është normale të sulmohet një grua politikane mbi baza të rëndomta, që nuk kanë lidhje me profesionin e saj.
“Ndonëse @GjonajEtilda është pjesë e mazhorancës, nuk më duket normale të sulmohet një grua politikane mbi baza të rëndomta, që nuk kanë lidhje me profesionin e saj. Njerëz që kurdisin gjëra kaq banale nuk e kanë as tagrin të bëjnë moral, thjesht gjejnë alibi për të hedhur baltë”, shkruan Hajdari.
