Valdrin Pjetri depozitoi sot gjurmët e gishtërinjve në laboratorin shkencor pranë Ministrisë së Brendshme.
Prokuroria I kishte bërë kërkesë që në datën 9 gusht përmes drejtorisë së Dekriminalizimit e cila kërkon verifikimin dhe hetimin e të zgjedhurit vendor në 30 Qershor.
Pjetri kishte afat 5 ditë që nga dita e marrjes dijeni për kërkesën e prokurorisë, ndërsa sot ai është paraqitur pranë laboratorit të kriminalistikës për të kryer procedurat konkrete në lidhje me të shkuarën e tij në Itali.
Drejtoria e Dekriminalizimit u vu në lëvizjë në fillim të muajit gusht pas një kërkesë-padie që Partia Demokratike depozitoi pranë organit qendror të akuzës. Bashkë me padinë, juristët e PD-së dorëzuan edhe vendime të Prokurorisë Italiane që sipas tyre vërtetojnë dënimin me 18 muaj burg për trafik narkotikësh nga ana e Valdrin Pjetrit vite më parë.
