Telashet nuk kanë të mbaruar për Stresin. Reperi sapo ka dalë nga burgu, por së fundmi është përfshirë në një aksident në Kosovë.
Reporteri.net mëson se ai ka goditur me veturë një këmbësore në Prishtinë. Siç shihet në fotot e siguruara, aksidenti ka ndodhur tek “Qafa”, ndërkohë që qytetarja ishte duke kaluar zebrat, kur vetura e Stresit e goditi duke i shkaktuar lëndime trupore.
Policia kanë dalë në vendin e ngjarjes dhe janë duke u marrë me rastin. Kujtojmë se reperi shqiptar ka pak javë që është liruar nga burgu pasi ishte akuzuar për trafikim me drogë.
