Partia Demokratike vuri në dukje sot se me moszbatimin e Dekretit të Presidentit për zgjedhjet e 13 Tetorit, KQZ-ja po vazhdon t’i shërbejë pushtetit ilegjitim të Edi Ramës. Në një deklaratë të lëshuar në mesditë nga Partia Demokratike, thuhet shprehimisht:
“I vetmi akt me fuqi kushtetuese në lidhje me zgjedhjet është dekreti i Presidentit për zhvillimin e zgjedhjeve më 13 tetor. Është detyrim i pashmangshëm dhe i padiskutueshëm i KQZ-së dhe institucioneve të tjera shtetërore të përgatisin infrastrukturën për këto zgjedhje.
Me moszbatimin e Dekretit të Presidentit, KQZ vazhdon t’i shërbejë pushtetit ilegjitim të Edi Ramës. Refuzimi i KQZ për të zbatuar Kushtetutën rikonfirmon se Edi Rama kontrollon në mënyrë të paligjshme atë dhe çdo institucion tjetër. PD paralajmëron shërbëtorët dhe kamikazët e KQZ se shpejt do të mbajnë përgjegjësi penale për aktet kriminale me të cilën dhunojnë Kushtetutën dhe ligjet e vendit”.
Kujtojme se dy partite aleate, PD dhe LSI kane dorezuar ne KQZ kerkesen per tu regjistruar ne zgjedhjet e 13 Tetorit.
