Sot është afati fundit për tu regjistruar partitë politike në KQZ për zgjedhjet e datës 13 tetor të dekretuara nga Presidenti Ilir Meta. Kështu dy prej partive opozitare, kanë ndërmarrë hapin e radhës.
Partia Republikane, së bashku me LSI dërguan kërkesën për regjistrim. Kërkesa e PR dhe LSI dorëzohet në KQZ pak ditë pasi u dorëzua kërkesa për të hapur procedurat për të mbajtur zgjedhjet në këtë datë.
Pritet që edhe Partia Agrare Ambientaliste e Agron Dukës të dorëzojë kërkesën për regjistrim pasi edhe ajo të premten kërkoi nisjen nga KQZ të procedurave për zgjedhjet e 13 tetorit.
