Teksa ndodhet me pushime, Ilir Meta nuk heq dorë nga mesazhet thumbuese drejtuar liderëve por jo vetëm.
Duke publikuar nje video mes maleve, ai ngre një pyetje për ndjekësit e tij duke shigjetuar jo vetëm kryeministrin, por dhe persona te tjerë, të cilët sipas Metës sillen si të paanshëm.
Postimi i Metës
Mirëmëngjes të dashur miq!
Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike: Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?
Ju uroj një fundjavë të mbarë!
https://www.facebook.com/ilirmetazyrtar/videos/418132678797083/?t=0
