Një aksident automobilistik ka ndodhur pasditen e sotme në aksin rrugor Korçë-Pogradec, në fshatin Podgorie.
Sipas njoftimit të komunikuar nga Policia, shtetasi A.B, duke drejtuar një mjet motorr dyshohet të jetë përplasur me një mjet bujqësor me drejtues shtetasin E.M, ku për pasojë kanë mbetur të plagosur dy persona, njëri prej drejtuesve dhe një pasagjer.
Të plagosurit janë dërguar drejt Spitalit, ku po marrin kujdesin e nevojshëm mjekësor.
Ndërkohë, Policia po punon për të kryer zbardhjen e plotë të rrethanave dhe të shkaqeve të ngjarjes.
