Kancelarja gjermane Angela Merkel, është filmuar për herë të tretë duke u dridhur gjatë një takimi që ka zhvilluar me kryeministrin e Finlandës, Antti Rinne.
Në një video të publikuar nga agjencia e lajmeve “Reuters”, Merkel shihet duke u dridhur në mënyrë të pakontrolluar, në nisje të vizitës së Rinne në Berlin.
Incidenti i parë i kësaj natyre, që u shënua më 18 qershor, në takimin e kancelares me presidentin e Ukrainës, Volodimir Zelenskiy, u kometua nga zyra e saj e shtypit si problem joserioz i dehidratimit.
Pas përsëritjes të së njëjtit episod të pakëndshëm, gazetarët pyetën zëdhënësin e qeverisë, Steffen Seibert, nëse kancelarja do të ishte e pranishme në samitin e G20-s që u mbajt në fund të qershorit në Japoni.
Seibert u përgjigj se Merkel gëzonte shëndet të plotë dhe se gjithçka do të vijonte sipas planifikimeve.
https://youtu.be/377Bl3EgZVo
