PS u ka kërkuar punonjësve të administratës që të sjellin ditën e votimit të paktën 30 votues përndryshe do të largohen nga puna. Kshtu shkruan në një postim, ish deputeti I PD, Luciano Boci.
RISIA E FUNDIT E RILINDJES
Pasi privatizoi zgjedhjet me vendimin e KQZ-së partisë, Rama ka shpikur një tjetër risi, për të shkuar si “dhi e zgjebosur, por me bishtin përpjetë” në 30 Qershor-in imagjinar të tij.
Ka urdhëruar që të gjithë ata që punojnë në administratë qendrore apo lokale, duhet të sjellin gjithsecili 30 veta në kutinë e votimit.
Kush nuk realizon planin shkarkohet nga puna.
Në vend që të vinin mend nga përgjimet e “Bild”, Rama&banda, kanë shkalluar fare.
Por një porosi kam, për këdo që ka marrë përsipër të realizojë këtë kërkesë absurde, për të ruajtur “bukën e fëmijëve”:
Mos u përfshini në krimin elektoral të Ramës!
Rrini të qetë.
Zgjedhje në 30 qershor nuk ka!
