Ditën e sotme është duke u zhvilluar provimi i dytë i maturës shtetërore. Nuk kanë kaluar as dy orë nga nisja e provimit dhe që herët teza e maturantëve është bërë publike në rrjetet sociale.
Pavarësisht se thuhet në gjatë provimit nuk lejohej telefona, ish-deputeti Luçiano Boçi ka publikuar disa foto, ku shihet se në tezë maturantëve iu ka rënë vepra e Iliadës.
Sipas Boçit shpërndarja e tezave është bërë me qëllim që të avantazhohn çunat dhe gocat që janë pjesë e partisë. Edhe në provimin e gjuhës së huaj që u zhvillua 5 ditë më parë, pati pretendime se teza u bë publike për të favorizuar një pjesë të studentëve.
Postimi i plotë i Boçit:
Kjo nuk është më Maturë Shtetërore!!!
Ky është Krim Shtetëror!
Një tallje gjigande, shpërfillje, hedhje poshtë, shkelje me këmbë e çdo merite, mundi e djerse që Rama, Besa e pabesia qeverisëse i bën maturantëve.
Fare pak pas fillimit të provimit të Letërsisë, sikurse ndodhi me Anglishten, testi del e përhapet kudo!!!!!
Pas kësaj pse duhet të qëndrojnë në Shqipëri fëmijët tanë, kur këtu stimulohet e fiton çuni i partisë, goca e qeverisë, i forti i krimit, i shkathti i shkollës?!!!
Pas kësaj, pse duhet të heshtin prindërit, maturantët?!!!
Padrejtësia e sotme lë gjurmën e saj tek brezi dhe bëhet shtrat i padrejtësive të tjera.
Turp dhe skandal i vërtetë!
Ky KRIM SHTETËROR është i papranueshëm e duhet dënuar!!!!
https://www.facebook.com/321721261302808/posts/1448054442002812?s=674151093&sfns=xmo
