Lidhja e tyre në distancë ka treguar se mund të kalojë çdo barrierë dhe vështirësi. Keisi e ka treguar prej kohësh se është e dashuruar me reperin Stresi.
Stresi prej disa muajsh ndodhet në burg, ndërsa e fejuara e tij ka qene gjithmonë mbështetje për të. Dhe së fundmi me anë të një postimi Keisi ka treguar se i pret me padurim të hënat për të takuar partnerin e saj.
“Të hënat janë ditët të cilat mezi i pres”, shkroi ajo sot në Instagram në një foto të bërë në mëngjes ku shfaqet e shtrirë, por gati për të dalë.
Dhe të hënat e saj paskan një kuptim të madh, pasi në një foto të dytë Keisi tregoi se po shkon të takojë bashkëshortin në burgun e Fushë-Krujës. Ajo ka disa ditë që ka ardhur nga Amerika dhe po qendron me shpesh në Shqipëri për të takuar Stresin.
Zakonisht në burgje nuk lejohen vizitat në fundjavë ndaj e hëna është dita që Keisi pret me padurim.
