Edhe pse me intesitet më të ulët, Korça prapë është në valën e tërmeteve. Edhe mëngjesin e sotëm, zona ka ndjerë disa lëkundje tërmeti.
Sipas Institutit të Gjeoshkencës, dy lëkundje janë regjistruar pak pas mesnatës dhe në orët e para të mëngjesit.
Konkretisht tërmeti i parë ra në orën 00:23 me magnidutë 2.4 ballë, 16 km nga Korça, ndërsa tërmeti i dytë u regjistrua në orën 03:06, me magnitudë 2.1 balla.
Kujtojmë se prej tre ditësh tërmetet në rajonin e Korçës nuk po ndalen. Janë dëmtuar rreth 80 banesa, ndërsa shumë familje janë sistemuar në çadra pa iu dhene një alternative zgjidhjeje për shtëpitë e tyre në të ardhmen.
