Artistët janë të vendosur për ti kthyer emrin Teatrit Kombëtar. Sipas një njoftimi të fundit, Aleanca për Mbrojtjen e Teatrit dhe Partia Demokratike, në orën 18.30 do të bëhen bashkë për të vendosur gërmat që identifikonin Teatrin Kombëtar, që u hoqën dy javë më parë natën nga Bashkia e Tiranës.
Gjatë këtyre dy javëve, Bashkia jo vetëm që kreu aktin e turpshëm por me ndihmën e Ministrisë së Brendshme vendosi edhe një patrullë policie pranë Teatrit në mënyrë që gërmat të mos rivendoseshin.
“Sot në oren 18.30 në sheshin e Teatrit, Aleanca për Mbrojtjen e Teatrit do të bëjë një konferencë për shtyp në lidhje me heqjen e shkronjave të emrit të Teatrit Kombëtar dhe kallzimit penal që është bërë në lidhje me këtë ngjarje!
I bëjmë thirrje të gjithë qytetarëve të Tiranës, që të na bashkohen në Sheshin e Teatrit, në ora 18.30, ku janë thirrur të gjithë mediat, dhe prej nga aty ne do të bëjmë publike të gjitha faktet e reja që kemi mbledhur.
Të bashkuar në mbrotje Teatrit, të së Mirës Publike, Trashëgimisë!
Aleanca për Mbrojtjen e Teatrit!”
https://www.facebook.com/mbroteatrin/videos/811717782530896/
