Një ndër lojtarët më të vlefshëm të kombëtares shqiptare, Etrit Berisha do të operohet në meniskun e gjurit të djathtë, pas një dëmtimi që pësoi në ndeshjen që Atalanta e tij fitoi ndaj Romës.
Operacioni do të kryhet nesër dhe portieri i kombëtares sonë do të kthehet të luajë vetëm vitin e ardhshëm.
Kështu, Berisha do të mungojë në ndeshjet kundër Juventus, Udinese, Milan dhe Empoli.
Por sërish ka një lajm të mirë për Kombëtaren. Fatmirësisht, operacioni nuk ndikon në ndeshjen ndaj Italisë në 24 mars në Palermo.
