Kryeministri Edi Rama ka reaguar pas arrestimit të 4 personave të dyshuar si të perfshirë në grabitjen në Rinas.
Sipas Ramës, ky është një zhvillim inkurajues. Në një postim në Twitter, Rama tha se policia e Shtetit duhet të provojë çdo ditë se sa më shumë baltoset, aq më shumë rritet forca e saj goditëse.
Nga ana tjetër, ish-kryeministri Berisha e cilësoi arrestimin e tyre si një skenar i ngjashëm me atë të Fredi Alizotit, ku policia po kërkon për autorë të rremë të grabitjes në Rinas, pasi autorët e vërtetë janë larguar.
Postimi i plotë:
Ndalimi i 4 personave të përfshirë në grabitjen e aeroportit,një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit.
Policia e Shtetit duhet të provojë përditë se sa më shumë sulmohet e baltoset, aq më shumë rritet forca e saj goditëse.
