Dy adoleshentë janë arrestuar në lidhje me vrasjen e gazetares Lyra McKee.
Të rinjtë 18 dhe 19 vjeç, u arrestuan ditën e djeshme. Gazetarja McKee, 29 vjeç, u qëllua pasi po vëzhgonte trazirat në Londonderry në Irlandën e Veriut të enjten mbrëma.
Ngjarja e rëndë ndodhi në Creggan. Dhuna shpërtheu pas bastisjeve të policisë mbi shtëpitë në zonën e Mulroy Park dhe Galliagh në qytet.
Zonja McKee ishte pranë një automjeti të policisë 4×4 me gazetarë të tjerë kur ajo u qëllua.
CCTV ka kapur momentet e saj të fundit në turmë dhe pamjet e telefonit zbuluan personin e dyshuar të armatosur.
Shërbimi Policor i Irlandës së Veriut tha se një person i armatosur hodhi të shtëna drejt punonjësve të policisë në orën 23:00 të enjten.
