Zëdhënësja e KE, Natasha Bertaud ka reaguar zyrtarisht pas votimit të rezolutës në Kuvendin e Holandës për rikthimin e vizave për Shqipërinë, një çështje që ka shqetësuar mbarë opinion në vend.
Sipas Bertaud, KE ende nuk ka marrë asnjë kërkesë për pezullimin e vizave. Bertaud shprehet, ndër të tjera, se pezullimi i vizave është një procedurë specifike.
“Komisioni është i vetëdijshëm rreth mocionit që kaloi në Kuvendin e Holandës gjatë ditës së djeshme, por ekziston një procedurë specifike për mekanizmin e rikthimit të vizave dhe deri më sot nuk kemi marrë asnjë njoftim nga asnjë shtet anëtar që kërkon mekanizmin e pezullimit të vizave për cilindo nga vendet që përfitojnë nga udhëtimi pa viza “, tha Natasha Bertaud.
Pavarësisht kesaj, kjo e dëmton Shqipërinë në planin ndërkombëtar. Qoftë dhe në prag diskutimi, kjo çështje do të ndikojë drejtpërdrejtë tek procesi i integrimit.
