Presidenti francez Emmanuel Macron u zotua se ai dhe qeveria do të rindërtojnë katedralen mesjetare të Notre-Dame pas zjarrit të madh.
Zjarrfikësit arritën të shpëtonin strukturën kryesore të ndërtesës gotike të 850-vjeçarit, duke përfshirë dy kullat e tij, por humbi nje prej pjesëve me kulmore të saj.
Zjarri u deklarua nën kontroll gati nëntë orë pas fillimit të tij.Shkaku nuk është ende i qartë, por zyrtarët thonë se kjo mund të lidhet me punimet e renovimit.Prokuroria e Parisit tha se aktualisht është duke u hetuar si një aksident. Një zjarrfikës u plagos rëndë ndërsa merrej me flakët.
Duke vizituar nga afër ndertesën, Macron tha se “më e keqja ishte shmangur” me ruajtjen e strukturës kryesore të katedrales ndërsa ai premtoi të fillonte një skemë ndërkombëtare për mbledhjen e fondeve për rindërtimin.
“Ne do ta rindërtojmë këtë katedrale të gjithë së bashku dhe është padyshim pjesë e fatit francez dhe projektit që do të kemi për vitet e ardhshme”, tha zoti Macron.
“Kjo është ajo që francezët presin [dhe] sepse kjo është ajo që meriton historia jonë”, shtoi ai, dukshëm emocional, duke e quajtur atë një “tragjedi të tmerrshme”.
Billionaire François-Henri Pinault, kryetar dhe CEO i grupit Kering që zotëron markat e modës Gucci dhe Yves Saint Laurent, tashmë ka premtuar € 100m (£ 86m, 113 milion dollarë) për rindërtimin e Notre-Dame, njofton agjencia e lajmeve AFP.
Fondacioni francez du Patrimoine po nis një apel ndërkombëtar për fonde për katedralen, një vend i Trashëgimisë Botërore Unesco./DRONI.al
